डॉ बाबासाहेब आंबेडकर यांचा जयंती निमित्त नागपूर येथील दीक्षा भूमी येथे सामाजिक न्याय व विशेष सहाय्य विभागातर्फे दीक्षाभूमी, नागपूर येथील डॉ. बाबासाहेब आंबेडकर ऑडिटोरियममध्ये आयोजित ‘डॉ. बाबासाहेब आंबेडकर सामाजिक समता सप्ताह’ समारोप या कार्यक्रमाला राज्याचे महसूल मंत्री चंद्रशेखर बावनकुळे यांनी उपस्थिती दर्शविली .
या दरम्यान त्यांच्याकडून घर घर संविधान या प्रास्ताविकेचे वितरण करण्यात आले. त्याचप्रकारे विविध लोककल्याणकारी योजनांच्या माध्यमातून समाजतील घकांमध्ये जागृती करण्याचा प्रयत्न या दरम्यान करण्यात आला .
- या दरम्यान शेतकरी स्वाभिमान योजनेअंतर्गत लाभार्थ्यांना शेतजमिनीच्या सातबारांचे वाटप करण्यात आले .
- डॉ. बाबासाहेब आंबेडकर स्वाधार योजनेअंतर्गत धनादेश वितरण करण्यात आले.
- रमाई आवास योजनेअंतर्गत घरकुलांचे वाटप करण्यात आले त्याचबरोबर जात वैधता प्रमाणपत्रांचे वितरण त्यावेळी करण्यात आले.
त्याचबरोबर सामाजिक न्याय विभागाच्या विविध योजनांची माहिती देणाऱ्या पुस्तकाचे प्रकाशनही करण्यात आले .
या वेळी समता, न्याय आणि बंधुता या मूल्यांवर आधारित समाजरचनेच्या दिशेने वाटचाल करण्याचा दृढ संकल्प यावेळी त्यांचा कडून करण्यात आला .
या कार्यक्रमाप्रसंगी महसूल मंत्र्यांसोबत , वित्त व नियोजन राज्यमंत्री ॲड. आशिष जयस्वाल, खासदार माया ताई इवनातें, जिल्हाधिकारी कुमार आशीर्वाद, जिल्हा परिषदेचे मुख्य कार्यकारी अधिकारी विनायक महामुनी, समाज कल्याण विभागाचे प्रादेशिक उपायुक्त प्रसाद कुलकर्णी, सहाय्यक आयुक्त सुकेशिनी तेलगोटे तसेच इतर मान्यवर, अधिकारी आणि कर्मचारी मोठ्या संख्येने उपस्थित होते.
