एसटी ही सर्वसामान्यांच्या जीवनाचा अविभाज्य भाग आहे. प्रवाशांना चांगली बस सेवा देण्याबरोबरच त्यांना स्वच्छ आणि सन्मानजनक वातावरण उपलब्ध करून देणे ही एसटी महामंडळाची जबाबदारी आहे.
स्वच्छता हा प्रवाशांचा मूलभूत अधिकार आहे, त्यामुळे स्वच्छतेच्या बाबतीत कोणतीही हयगय अथवा निष्काळजीपणा खपवून घेतला जाणार नाही. असं मत मंत्री प्रताप सरनाईक यांनी पुणे येथील एसटी बसस्थानकाला भेट दिल्या नंतर व तेथील बसस्थानकाचं निरीक्षण केल्यावर व्यक्त केलं .
महाराष्ट्र राज्य मार्ग परिवहन महामंडळाच्या प्रवाशांना सुरक्षित, स्वच्छ आणि दर्जेदार सुविधा मिळाव्यात, यासाठी त्यांनी या तेथील प्रवाशांसाठी असलेल्या बसस्थानकाच्या सोयी सुविधांची पाहणी केली .
बसस्थानकातील हिरकणी कक्ष, पानपोई, प्रसाधनगृह तसेच प्रवाशांसाठी उपलब्ध असलेल्या अन्य मूलभूत सुविधांची पाहणी या दरम्यान त्यांनी केली .
बसस्थानकाची स्वच्छता, प्रसाधनगृहांची स्वच्छता व देखभाल, पिण्याच्या पाण्याची उपलब्धता तसेच महिला प्रवाशांसाठी आवश्यक सुविधा यामध्ये कोणतीही कमतरता राहू नये याबद्दल त्यांनी याकरिता कर्मचाऱ्यांना योग्य त्या सूचना दिल्या .
