मराठी चित्रपट अभिनेत्री सोनाली कुलकर्णी हिने नुकताच म्हणजे जागतिक वन दिनाच्या दिवशी महाराष्ट्राचा विदर्भातील चंद्रपूर जिल्ह्यात असलेल्या ताडोबा अभयारण्याला भेट दिली .
आणि तोडोबात जंगल सफारी करण्याचा आनंद घेतला . या ताडोबा जंगल सफरीत तिला जागतिक वन दिनाच्या दिवशी ताडोबा अभयारण्यातील वाघांचे आणि वाघिणीचे सुद्धा दर्शन झाले असं तिने ,
ताडोबाच्या जंगल सफारी दरम्यान दिसलेल्या वाघांचे वेगवेगळे छायाचित्र आपल्या सोशल मीडिया अकाउंट वर टाकून आपल्या चाहत्यांना आनंदाने आणि उत्साहाने कळवलं. ती पुढे म्हणाली कि आम्ही जागतिक वन दिन मोठ्या उत्साहाने ताडोबाच्या अभयारण्यात भटकंती करून आणि वाघांचे दर्शन घेऊन साजरा केला .
या दरम्यान आम्हाला कॉलर वाली वाघीण सुद्धा बघायला मिळाली असं ती म्हणाली , तिला अजून नाव मिळालेलं नाही आहे असं सुद्धा तिने आपल्या चाहत्यांना सांगितलं .
ताडोबातील वन कर्मचाऱ्यांसोबत या दरम्यान तिने छायाचित्र काढण्याचा सुद्धा आनंद घेतला .
ताडोबा अभयारण्याबद्दल बोलायचं झालं तर , ताडोबा हे महाराष्ट्रातील एक प्रमुख राष्ट्रीय उद्यान आहे आणि हे महाराष्ट्र राज्यातील चंद्रपूर जिह्ल्यात आहे . या प्रकल्पाचे एकूण क्षेत्रफळ हे १७२७ चौ.किमी असून त्यातील १२०२ चौ .किमी हे संरक्षित क्षेत्र आहे आणि उर्वरित ६२५ चौ.किमी क्षेत्र हे कोअर झोन म्हणून ओळखल्या जाते .
दर वर्षी इथे मोठ्या प्रमाणात जंगलसफारी साठी आणि वन्यप्राण्यानां बघण्यासाठी जगाच्या वेगवेगळ्या भागातून आणि भारतातून जंगलसफारीसाठी पर्यटक या अभयारण्याला भेट देतात हे इथे खास आहे .
