काही लोकांना सकाळी सकाळी किवा पहाटे पहाटे बाहेर फिरायला जायची सवय असते आणि काही लोकं संध्याकाळी फिरायला जातात किंवा मग रात्री जेवण झाल्यावर काही लोकं फिरतांना दिसतात.
तर प्रत्येक व्यक्ति आपआपल्या सोयीनुसार फिरतांना दिसतो. तर अशे बागेत वगैरे सकाळच्या वेळीस गेलो तर वातावरण अतिशय सुंदर असते. लोकं मूलबाळ, बायका मुली सगळे व्यायाम करतांना दिसतात. तर कोणी धावतांना दिसतात. तर कोणी मस्त पैकी घोळक्या मध्ये गप्पा करताना दिसतात. तर काही काही लोकांचा वेगळाच उपक्रम सुरू असलेला बघायला मिळतो.
सगळे जण एकत्र मिळून एकाच वेळी मोठ मोठ्या ने हसतांना दिसतात. हाहाहाहा.. हाहाहाहा.. हाहाहाहा.. अश्या प्रकारचा उपक्रम त्या लोकांचा सतत सुरू असतो आणि त्यांच्या कडे बघून मग आपल्याला सुद्धा हसायला येत.
मग म्हणजे हा सुद्धा उपक्रम सगळेजण सोबत मिळून हसण्याचा काय आनंद देऊन जातो. याची कल्पना फक्त तो उपक्रम करणाऱ्याला असतो आणि मग दुसरे म्हणजे बघणारे. आणि त्या प्रकारचा उपक्रम बघुन आपल्याला हसायला नाही आल तर मोठा प्रश्ण असतो. या दिवसांत अनेक लोकं अश्या प्रकारचा व्यायाम करताना बागेत दिसतात.तर कोणी कुठे कोपर्यात झाडाखाली बसुन. निवांतपणे झाडाचा सकाळी सकाळी मिळणारा प्राणवायू घेण्याचा प्रयत्न करताना दिसतात. त्यांचा सुद्धा उपक्रम बर्यापैकी असतो .
छान प्रकारे ते बसुन एकीकडून म्हणजे एका नाकपुडीतून श्वास घेतात आणि दुसर्या बाजूने ते श्वास सोडतानाच चित्र बघायला मिळत. तर अश्या लोकांची संख्या बगीच्यात या दिवसांत बर्यापैकी वाढल्याचे बघायला मिळते. कारण सकाळच्या वेळी हवा सुद्धा शुद्ध असते आणि प्रदूषण सुद्धा खूप कमी असतो त्यामुळे या दिवसांत सकाळी सकाळी लोकांची गर्दी बगीच्यात अधिक होत असावी अस वाटत. तर यांच्या सोबतच अनेक छोटी छोटी मुले सुद्धा तिथे धावतांना, पळताना आणि वेग वेगळे खेळ खेळताना आपल्याला बघायला मिळतात.
काही काही मुलं तर व्यायाम सुद्धा करताना दिसतात. तर बर्यापैकी वातावरण सकाळी तिथल सुंदर असत. काही काही लोकं आपल्या लाडक्या कुत्र्यांना घेऊन चालताना दिसतात आणि काही त्यांच्या सोबतच व्यायाम करताना दिसतात आणि दुसरीकडे. स्त्रिया किंवा वगैरे असेल तर यांचे कुत्रे जरा वेगळे असतात. छोटे छोटे गोड गोड.
कधी ते त्यांना रस्त्यावरुन चालवतांना दिसतात तर कधी ह्या थकल्या तर एखाद्या बाकावर बसुन ते आपल्या छोट्या छोट्या कुत्र्यांना मांडीवर बसवून प्रेमाने कुरवाळतां आणि त्यांचा सोबत प्रेमाने आणि लाडी लवाडीने बोलताना दिसतात. तर अस चित्र या दिवसांत बघायला मिळत.
कोणीच सोबत नसल तरी या दिवसांत जर का त्यांच्या सोबत हे प्राणी असले की त्यांचा सुद्धा व्यायाम बरा होताना दिसतो आणि कुत्र्यांचा सुद्धा व्यायाम बरा होताना दिसतो त्यामुळे वेळ सुद्धा त्यांचा बर्यापैकी जातो अस कदाचित असेल.
