जर भारतीय ग्राहकांनी देशात बनवलेल्या स्वदेशी उत्पादनांना अधिक महत्त्व दिले, तर त्याचा फायदा आपल्याकडील अनेक ग्राहकांना आणि कित्येक छोट्या मोठ्या व्यवसायांना होऊ शकतो.
देशात निर्माण झालेल्या वस्तू मग त्या कोणत्याही वस्तू असोत त्यांची किंमत अनेकदा परदेशी वस्तूंपेक्षा तुलनेने कमी असते, त्या तुलनेत बाहेरून आपल्या भारतीय बाजारात विक्रीसाठी येणाऱ्या वस्तूंची किंमत अनेकदा जास्त असते आणि त्यावर मोठा जीएसटी सुद्धा आकारला जातो त्यामुळे मोठ्या प्रमाणात अनेक ग्राहकांना त्याचा मोठा फटका हा नकळतपणे बसत असतो त्याचबरोबर अनेकांचा कष्टाचा यामध्ये पैसा जातो .
आपल्याकडील छोटे मोठे व्यापारी सुद्धा वर्षभर बराच परिश्रम करत असतात . मग ते दिवाळीचे दिवे असोत, मातीची खेळणी असोत, लाकडी वस्तू असोत किंवा मग इलेक्ट्रॉनिक वस्तू असोत. कपडे, भांडे, जोडे, चपला किंवा इतर वस्तू असोत; त्यांच्या सोबत त्या क्षेत्रातील कामगार सुद्धा परिश्रम घेत असतात.
आणि देशात निर्माण झालेल्या अनेक वस्तू कित्येकदा आयात केलेल्या वस्तूंपेक्षा चांगल्या आणि त्याचबरोबर स्वस्त सुद्धा असतात आणि सर्वात चांगली गोष्ट म्हणजे या वस्तू तुमच्या देशात बनवलेल्या असतात (मेड इन इंडिया) असतात; आणि जर आपण आपल्या देशात बनवलेल्या वस्तूंना अधिक महत्व दिले तर त्याचा फायदा हा अनेकांना होतो . त्यांचा कष्टाचा पैसा मोठ्या प्रमाणात खर्च होण्यापासून वाचतो त्याचबवबर त्याचा फायदा लहान मोठ्या व्यापाऱ्यांना सुद्धा होतो .
त्यांचीही प्रगती होते; त्यांच्यासोबत किंवा त्यांच्या कारखान्यांमध्ये काम करणाऱ्या कारागिरांनाही त्याचा फायदा होतो. आपल्याकडे रोजगार शोधणाऱ्या तरुणांची कमतरता नसते. जर आपले उद्योग वाढले, तर आपल्या तरुणांनाही तिथे रोजगार मिळतो आणि सरकारलाही त्याचा फायदा होतो.
आपल्याकडील उद्योग धंधे वाढले तर तिथे तरुणांना सुद्धा रोजगार मिळतो; लोकं स्वदेशी वस्तूंना महत्त्व देऊ लागले आणि आपली उत्पादने आपल्या बाजारपेठांमध्ये विकली गेली, तर उद्योग आणि व्यापार हे बुडणार नाही .
मात्र आपले उद्योग आणि व्यवसाय आपल्याकडील बाजारपेठेत ठप्प पडत आहेत, आपल्या देशात तयार झालेल्या वस्तू आणि उत्पादने विकल्या जात नाही आहे; तर त्यामुळे भविष्यात अनेक उद्योगांवर संकट येऊ शकते आणि त्यामुळे आपल्याकडील तरुणांच्या समस्या सुद्धा कमी होणार नाहीत आणि देशाची प्रगतीही मंदावली आणि अडखळत आहे असं चित्र आपल्याला बघायला मिळेल .
